Ta rơh kahgĭt, Tổng Bí thư, Kruanh dak Tô Lâm lah na nê̆, nkoch tât nkuăl ƀon têh Hồ Chí Minh lah nkoch tât du nkual neh geh âk nău rŏng dak, cách mạng, nău rŏng n’hanh mĭn kan mhe, du nkual neh way rgum mât ăp nău khlăy ueh bâh mpôl rnoi, nkre ;ah mô rlu pơk trong an ăp nău ŭch rŏng mhe. Nkuăl ƀon têh lĕ lah na nê̆ nău kan tơm ƀư jêng nău wăng sa, ntŭk kan têh mpeh tơm prăk, tăch rgâl, dịch vụ, khoa học- công nghệ ntĭm n’hanh nti, dak si, văn hoá, nchră nău đah dak bah dih n’hanh lăp kan ndrel đah dak bah dih .Tổng Bí thư, kruanh dak Tô Lâm đă, nkuăl ƀon têh an geh nchrăp nău kan hun hao tĭmng trong âk ntŭk tơm khlăy, ueh mhe, nđir, gĭt blău, nchră nău đah dak bah dih tâm rgop na nê̆ đah nkual Đông nam Bộ, đồng bằng Sông Cưủ Long, Tây Nguyên, lam dak n’hanh lam ntur neh. Ta meng nĕ, ndơ dŏng ntung trong an geh hăn lor du njoat, yơn an geh nău kan tơm khlăy, nău khlăy ngăn, mât đăp mpăn săk rnglăy ntuh kơl, an lor mpeh trong hăn ntŭk rêh jêng, trong loih nkuăl ƀon têh, mper trong, trong hăn têh, ndrâm dak lêng, logistic, ndơ dŏng rnoh mbrô, ŭnh nar, dak si ntĭm nti, nău ueh êng, ngih jay gŭ, njrăng dak băm n’hanh ntŭk ueh nđir.