VOV4.M’nông - Tă aơ 50 năm, ta kêng ôi lơ 9/3/1975, tahen rklaih đăp mpăn lĕ rdôl lơh rkum Đức Lập (n’gor Quảng Đức ơm), ntŭk njrăng n’gang mpeh bah dân Buôn Ma Thuột. Lơh dơi Đức Lập dơi uănh lah rơh dơi pơk trong rgop khlay lăp lơh dơi chiến dịch Tây Nguyên yan puh 1975. N’gul rach năm lĕ rlău, Đức Lập kăl e-Dak Mil aƀaơ lĕ jêng du nkuăl hun hao âk bah n’gor Dak Nông.

VOV4.Mnông: Ôi lơ 6/2, 102 xã phường, nkuăl têh 10 nkuăl, nkuăl ƀon têh ta Kon Tum n’gor Kon Tum tâm ndrĭh ƀư tơh ntơm hăn kan bôk năm 2025 đah bôk nău “Ntơm hăn kan rdâk njêng nkual ƀon lan mhe ueh mhe”.

VOV4.M'NÔNG- Puăn năm rlău aơ n’gor Kon Tum hŏ tăm mhe bơi 18.000 ha bri, rlău bơi 3000ha ma Nghị quyết Đại hội Đảng bộ n’gor tâl XVI, năm kan 2020- 2025 n’gluh. Mô dơn tât ơm, rnôk an tĭng ƀư Nghị quyết mpeh tăm bri nkre đah Rơh rgŏ jă “Ƀư rgâl nău mĭn, nău kan bah ƀon lan rnoi mpôl đê̆, ƀư an ƀon lan rnoi mpôl đê̆ nsan hao ƀư geh ndrŏng jŏ jong” hŏ kơl nuĭh ƀon  lan rgâl êng nău mĭn bah bri rgâl jêng tăm bri, mât njrăng n’hanh hun hao bri. Rhơn lơn đŏng lah mâp dơi nđĭr uĕh bah bri nuĭh ƀon  lan geh ndơ ma hun hao wăng sa bah bri nsĭt tay nău geh wăng sa jŏ jong.

VOV4.M’nông - Năm aơ, nuĭh ƀon lan ta xă Kon Gang, nkuăl Đak Đoa, n’gor Gia Lai wơt Tết way ơm Ất Tỵ tâm rnôk răm m’ak. Yor năm bah năp, sầu riêng, cà phê săk play, tăch peh, âk rnăk geh prăk rmen. Bah meng nĕ, ăp rnăk dơi kơl, ăp rnăk jêr jŏt, dơi gưl ủy, n’gâng kan ƀon lan uănh tât, jao an ndơ Tết dŭt uĕh.

VOV4.Mnông: Ta ăp nkual jru, nkual ngai bah n’gor Dak Lak, ndrel đah nău mât uănh ntuh kơl mpeh ntŭk ntô ndơ dŏng kơt nti ta ăp nhih nti ri nău nsrôih bah ăp nai ntĭm nti tâm nău krêp dêh đah nhih nti, ndrel hăn đah kon se nti, hŏ rgop n’hao săk blău ntĭm nti ta ăp gưl nti. Ăp nar rhơn năm mhe wơt tết, he ndrel djăt ăp nai ntĭm nti nkoch mpeh nău nsrôih nsĭt rplay siƀŭt tât đah kon se nti, rgop tâm nău wat jêh ăp rnoh tât mpeh ntĭm nti tâm rdâk njêng ƀon lan mhe ta Dak Lak.

VOV4.M’nông - Năm aơ, hang rbăn rnăk ach o ta Tây Nguyên lĕ geh du ndơ Tết dŭt uĕh, hơm răm lơn, knơm nău tâm kơl bah nsum mpôl n’hanh nău uănh tât bah n’gâng kan ƀon lan ta ntŭk. Ăp jay mhe têh uĕh, ăp nklâm ndơ Tết geh âk nkô̆ mô knŭng kơl khân pơng dơi wơt du ndơ Tết hơm răm, ma hôm nsĭt tay nău mpŏng ŭch đah du nău rêh rgŏ năp uĕh ang lơn.

VOV4.M'nông: Nau jut ach o tâm 2 xã Mường Hong, Ngọc Linh-ach o ngăn bah n’gor Kon Tum ân saơ nau ngăn tâm nau ntrŭnh bah Đảng, nau rđau bah Trung ương na nau n’huch ach o. Nau lăp kan bah ăp gưl uỷ, n’gâng kan, kơl an rgâl nau mĭn, nau kan bah ƀon lan, ndrel nê lah nau tât, nau ueh kơl ƀư jut jăng ach o ta aơ geh nau dơi.

VOV4.M'nông: Bôk nau kan neh dak hun hao văng sa, rêh jêng nkuăl rnoi mpôl đê̆ ndrel gôl yôk (bôk nau kan 1719) geh ntrŭnh tâm Gia Lai tĭng nuih n’hâm rđau mrô 29 bah N’gor uỷ, đah nkô̆ nau tơm lah rklaih ăp nau kan ndal bah rnoi mpôl đê̆. Đah nau rđau đă, rƀŏng trong tă bah ăp gưl uỷ, đảng, bôk nau kan mô knŭng leo tât nau ueh ma hôm ƀư rjăp nau rđau kan khlay bah gưl uỷ đảng tâm nau rgâl mhe ndrel hun hao.

VOV4.M'nông: Nkuăl rnoi mpôl đê̆ Bình Thuận geh âk ntil ndơ OCOP 3 sao. Tết năm mhe Ất Tỵ 2025 dôl tât lah rnôk ma ăp ntil ndơ geh rgum nkra rhŏ ân rnôk tết, tâm nê geh ndơ mon uk Chăm Sơn Hòa tâm xã Phan Hiệp ndrel puăch ndrôk tâm xã Phan Hòa tâm xã Phan Hiệp, nkuăl Bắc Bình, n’gor Bình Thuận.

VOV4.M’nông - Lĕ tă “luh du” ƀon tơm đah nău kan dak si, yơn bu ndăm nuĭh Êđê, Y Pốt Niê ta Dak Lak mô dơi chuêl nkah gĭt cà phê ta ƀon lan. Nkah gĭt ƀô kah cà phê nglăp ndrel ƀô nsoăy ŭnh, ŭch đah ăp grăp cà phê khlay yơn mô dơi kơl me, bơ̆ bah ach o, Y Pốt Niê lĕ sĭt đah ƀon Kla, xă Dray Sáp nkuăl Krông Ana, n’gor Dak Lak gay tĭng đah cà phê tĭng du trong hăn mhe. Jêh 4 năm ntơm ndâk njêng nău kan đah cà phê bên tă bah kon se, ÊĐê Café bah Y Pốt lĕ dơi geh ntŭk tăch tâm n’hanh bah dih dak, nkoch mro nău văn hóa cà phê kah bah ƀon Kla.