VOV4.M'nông: Nau ntrŭnh Đại hội ntoh măt lam dak tal XII bah Đảng ndŏ luh nkô̆ nau huch ach o bah lam dak tâm rnoh 1-1,5% ndrel nsôih tât năm 2030 mô hôm nkuăl jêr jŏt, xã ach o. Leo nau ntrŭnh bah Đảng lăp tâm nau ngăn, tâm n’gor Kon Tum, nau kan jut jăng ach o geh ƀư rjăp ntơm bôk năm, sŏk 2 xã Mường Hoong ndrel Ngọc Linh, nkuăl Đăk Glei lah 2 xã ach o ngăn ƀư lor. Ntơm bah ntrŭnh tâm di, cán bộ lăp kan đah nuih n’hâm bah đảng viên, 2 xã ach o bah n’gor Kon Tum ntơm rnoh rnăk ach o rlau 70% mô knŭng rklaih ach o hŏ jêng ndrŏng.

VOV4.M’nông - Đah nău ƀư na nê̆ ntrong ƀư “3 kloh” lah kloh ngih wâl, kloh gung trong, kloh ŭnh năk jêng ăp nău ƀư na nê̆, bu ur Dak Lak dôl nsrôih rgop ƀư tĭng ăp rnoh ndơ mpeh ntŭk ntô gŭ âm n’hanh đăp mpăn ndơ sông sa, ndrel ty đah n’gâng kan ƀon lan ndâk njêng thôn ƀon mhe.

VOV4.M’nông - Ăp năm bah năp, Rmôt tahen ơn nkuăl Đăk Đoa, n’gor Gia Lai lĕ mbơh ƀư âk ntrong kan nkra njêng, ntrong leo tâm rlong ngăn ngên, kơt: “Tahen ơm ntrong leo”, “Tahen ơm tâm kơl n’hŭch ach o, ƀư sa blău”... Tă bah nĕ, ntoh âk nuĭh ang leo lor tâm ntŭk gŭ rêh, mô knŭng rgop hun hao wăng sa rêh jêng ta ntŭk ma hôm ntĭm nti nău way ơm cách mạng an rơh druh ndăm kơt tĭng.

VOV4.M’nông - Bôk nău kan ndâk njêng thôn ƀon mhe nsĭt tay âk săk rnglăy uĕh ta n’gor Dak Nông đah ăp nkual thôn ƀon rgâl mhe. Ăp gưl, ăp nău kan bah n’gor dôl nsrôih gay ơm jêh ăp nău rƀŏng lvang 2021-2025, geh nuih n’hâm an thôn ƀon bah n’gor hun hao tâm lvang bah năp tay.

VOV4.M'NÔNG- Ta nkuâl Ia Pa, n’gor Gia Lai, Bôk nău kan n’hŭch ach o jŏ jong gưl neh dak dôl nsĭt tay ăp nău dơi uĕh. Ndrel đah rdâk nâp uĕh tay ndơ dŏng, ndơ̆ rgâl khoa học kỹ thuật, kơl nuĭh ƀon lan n’hao săk geh nău kan, ntop kơl trong rêh an rnăk ach o ta nkuâl, dôl ntik n’hao nău dơi tam, kơl kônh wa đăp mpăn nău rêh n’hanh nsan hao klaih rlău ach o jŏ jong..

VOV4.M'nông: UBND n’gor Khánh Hoà mhe njoăl săm ƀŭt Bộ Lao động-Thương binh ndrel xã hội năl gay mbơh tât Thủ tướng Chính phủ uănh, ntrŭnh nau kơp dơn 2 nkuăl Khánh Sơn ndrel Khánh Vĩnh rklaih luh bah nkuăl ach o. Rklaih ach o lah nau kan têh bah nkuăl yôk n’gor Khánh Hoà, tâm nê geh nau rgop bah bu ranh ƀon, nŭih bu rnơm tâm n’gor.

VOV4.M’nông - Deh n’hanh têh ta nkuăl Krông Pa, ngoăy tâm âk nkual jru ngai n’hanh jêr jŏt ngăn bah n’gor Gia Lai, nai ntĭm toán, yơn lŏ dŭt n’hâm n’hanh ŭch đah nău ngơi me deh, n’hanh jêng nuĭh way tâm nău kan aơ.

VOV4.M’nông - Bôk nău kan rƀŏng tĭng lam dak ndâk njêng thôn ƀon mhe dôl nsĭt tay âk săk rnglăy uĕh tâm hun hao wăng sa, rêh jêng ta ăp ƀon lan, ăp nkual thôn ƀon bah nkual ƀon têh Gia Nghĩa, n’gor Dak Lak. Lah ntŭk kan gưl nkuăl bôk năp ndâk njêng ăp ƀon lan, ăp nkual thôn ƀon nâp nâl wăng sa, geh âk nău uĕh ơm n’hanh âk nău rŏng.

VOV4.M'nông: Ea Súp lah nkuăl n’har bri bah n’gor Dak Lak geh bri mih nar duh, rnoh rnăk ach o âk. Tâm ăp năm ma aơ, gưl uỷ, n’gâng kan tâm nkuăl hŏ ƀư tâm ban ăp ntrong kan hun hao văng sa, rêh jêng, rgâl nau rêh ƀon lan, geh dơi âk nau ueh tâm nau n’huch ach o.

VOV4.M'nông - Đối đáp giao duyên