VOV.M'nông:Ta Đăk Lăk, ntŭk kan mât dak dŏng n’hanh ntŭk gŭ rêh Việt Nam tâm rgop đah Ntŭk kan mât uănh nkual ƀon lan mhe Trung ương, ntŭk nchrăp kan n’hanh uănh nđôi ăp neh ntu dak dŏng ngih dak ndrel đah UBND n’gor Đăk Lăk ƀư rơh tâm nchră đah bôk nău: “mât uănh, dŏng n’hanh mbơh ntuh kơl an hun hao dak dŏng ndrel đah tuch tăm, nkual ƀon lan mhe n’hanh ŭnh nar ueh kloh miền Trung- Tây Nguyên”.

VOV.M'nông - Tâm rnôk Việt Nam rƀŏng tât tăch n’gluh jŏ jong, ăp quy định mpeh uănh năl bu chuh sa ndơ tuch tăm, đăp mpăn kah uĕh ndơ (SPS) n’hanh lơn lah Nghị định 280 bah Tổng cục Hải quan Trung Quốc dôl njêng luh mpet jâk đah doanh nghiệp. Yơn lah, aơ lah suan ntrôl gay n’gâng kan tuch tăm rgâl tĭng trong rƀŏng way blău ƀư mbro, kloh rvah n’hanh jŏ jong lơn. 

VOV.M'nông - Ta Gia Lai, nklang khay wai kro phang, geh ma nău ŭnh sa bri dôl ta rnoh dŭt hô rnôk lam n’gor aƀaơ geh bơi 1 rkeh ha bri, njok lam n’gor têh hvi. Bah năp mpet jâk dja, mpôl kiểm lâm n’hanh ăp nuĭh tơm bri dôl an ƀư lĕ n’hâm suan trong rƀŏng “4 ta ntŭk”, gŭ kâp 100% rnoh nuĭh kan, hăn rsong uănh, dŏng ndơ tĭng groi nđôi bah ngai, nkre nkoch trêng, rgop jă âk nuĭh ƀon lan ký ton mât njrăng bri, lor nchrăp njrăng n’gang ŭnh sa bah tâm dâng.

VOV.M'nông - Bah năp nău tât krit nji nuh srê ta ndơ mât, lơn lah nuh srê ji ndŭl djroh sŭr châu Phi n’hanh geh ma nău lăp bah kaman lhut mbung plôk nchop, n’gor Dak Lak dôl an ƀư ăp kôp âk trong nkra gay mât njrăng sŭr ndrôk, đăp mpăn mât rong n’hanh hŭch bah roh huach an nuĭh ƀon lan.

VOV.M'nông:Tâm ăp xã nkuăl n’har bri Ea Bung, Ea Súp, Ia Lốp, ntŭk geh uănh lah “ntŭk tơm kroh phang” bah n’gor Dak Lak, nau tuch tăm dôl geh ntrơn rgâl âk. Ntơm bah ăp blah lŏ tăm nseah êng, nsing tâm phân poh hoá học, rnôk aơ hŏ ƀư jêng nau kan tuch tăm rgum, dŏng nau kan prêh mhe, ăp nhoat geh dŏng ma hữu cơ kloh.

VOV.M'nông: Tâm rnôk nău rgâl trôk nar mih sial ăp nar lơ ma jêr njrăng, nău geh săch ăp ntil tơm tăm nkre tâm di đah trôk nar mih sial nkre nsĭt tay nău wăng sa đăp mpăn dôl jêng nău kan dŭt khlăy ngăn. Ta n’gor Đăk Lăk, ngăn lah ta nkual neh kro ntang, neh sât ta mpeh nhâp nar, nkual dăch n’har bri, tơm gle dôl pơk luh du nău dơi njêng nău rêh pah kan mhe an ƀon lan, nkre lah ntop ntrôl an hun hao wăng sa ueh nđir.

VOV.M’nông - Tâm rnôk nklang khay wai, tơm dak ta ăp dak me dak diăng, dak n’glău, dak bât ta mpeh nhâp nar n’gor Gia Lai hŏ suăt kro ngăch. Nô nău mô tŏng dak tŏ dôl jêng nău rvê bah hang rhiăng ha tơm tăm, lơn lah ta ăp ntŭk mpeh nhâp nar bah n’gor Gia Lai.

VOV.M'nông- Rnôk trôk nar ta Dak Lak rgâl jêng kro phang, khay et tao ta ăp nhih máy tao hŏ ntơm ngăn. Tât khay 4, khay et tao hŏ dŭt bah ngăn, ăp n’gu tao hŏ chăt hon tay ta lŏ sre, kâp tŭp mih ăp nar bôk năm, hao jêng dăng an rơh sreh tay. Ndrĭ yơn tât rnôk dja, ta âk ntŭk tăm tao rgum tơm bah Dak Lak, tao nha hôm dâk kro ta mir kâp nău đă sreh bah nhih máy đŏng, ntrôl ƀon lan kan lŏ mir tŭp tâm trong wăk jêr, tao nkre lăn nar sreh, nkre lăn khay hao jêng uĕh đŏng. N’hao nău dơi tâm rlong an n’gâng kan nkret njêng tao, kơl ƀon lan mbra rêh dơi bah tơm tao du tơ̆ tay đŏng nơm nchroh an n’gâng kan nkret njêng tao.

VOV.M'nông: Âk rhiăng ha ba yan vai năm 2026 tâm ăp xã mpeh ba dâng bah n’gor Dak Lak dôl dâk bah năp nau khuch bah rnoh ba yor prăng bri jŏ jong. Rnôk aơ, ăp rmôt kan mât trong hoch dak tŏ ndrel ƀon lan ăp nkuăl geh kro phang dôl nsôih pom dak tŏ.

VOV.M’nông – Lơ 16/4, UBND n’gor Gia Lai lĕ geh nău ntrŭnh ŭch dơn nuĭh ntuh kơl ƀư 4 nău nchrăp ƀư ŭnh nar nkra njêng tay, geh dĭng lĕ rnoh ntuh kơl bơi 5.000 rmen prăk.