Nău kan gay mbơh ƀư Nghị quyết 36/2026/NQ-CP bah Chính phủ mpeh ƀư dơh glêh siƀŭt đah mã mbrô nkual tăm, mã mbrô ntŭk tâl dŭng, rhŏ dŏng tăch rgâl n'hanh tăch n'gluh ndơ tuch tăm. Ta Lâm Đồng, chanh rse dơi sơch gay ntĭm nti rêng ƀư tuch tăm đăp mpăn, tâm di rgâl trôk nar, nkre đăng ký, mât uănh, mât dŏng mã mbrô nkual tăm n'hanh joi tu tơm đah ăp njuat bah tuch tăm tât tăch. Bôk nău kan nkre ntrŭt ntrôl kơt dŏng Rêng ƀư (SOP), tĭng kơn rƀŏng tât rêng ƀư tuch tăm tĭng nău ŭch ntŭk tăch rgâl. Tâm bôk nău kan, nuĭh nti hăn uănh nău kan chanh rse bơi 8.000m² ta xã Phú Sơn Lâm Hà, tuch tăm tĭng trong VietGAP, kơt dŏng tŏ ntruh, châm phân êng; nkre hăn uănh ngih măy nkret njêng ndơ tuch tăm rnoh ngăch rlău 10.000 tấn/năm. Bâh nău ntĭm nti n'hanh tâm rgop na nê̆, ntŭk kan ntrŭt nsôr tuch tăm mât rong ngih dak mpŏng tât ndơ̆ rnoh mbrô nkual tăm, uănh năl tu tơm ta trong pah kan jan sa, tâm rgop nkual tăm đah nkret ƀư, tăch rgâl n'hanh tăch an dak bah dih, n'hao nău dơi tâm rlong bâh ndơ tuch tăm Việt Nam.