Ăp xã, phường dơi đă ndăn ngăch an ƀư Nghị quyết 36 bah Chính phủ; tâm pă tơm ndơ, wơt dơn n’hanh nkra năn ngăch hồ sơ pă an mã mbrô nkual tăm, mã mbrô nklâm tâl, mô an hồ sơ rsŭn bưm tă bah uănh lhơ.

Gia Lai đă an ƀư nău keh mbrô nkual tăm đah ăp tơm tăm khlay, geh nău dơi tăch n’gluh đŏng; an lor ăp ndơ tăch sầu riêng, chanh rse, cà phê, tiêu n’hanh ăp ndơ geh ƀư tơm khlay êng. Ăp mpôl kan dơi kan n’hao âk tơ̆ hăn ôp uănh, năn ngăch ban saơ n’hanh nkra rmal lhăt nău ƀư tih leh hồ sơ, lôch jêh uănh năl kah ndơ tuch tăm n’hanh ăp nău tih tâm trong mât, dŏng mã mbrô nkual tăm, mã mbrô ntŭk nklâm tâl. Lam n’gor Gia Lai aƀaơ geh 451 mã mbrô nkual tăm, đah lĕ rngôch rnoh hvi rlău 13.420 ha. N’gor geh 53 mã mbrô ntŭk nklâm tâl tăch n’gluh, lĕ rngôch rnoh ngăch dăng tâl 2700 tấn play rêh/nar.