Đăk Lăk mpŏng tât nău kan nglăp nău dơi têh ngăn Guinness đah âk ndeh bán tải rdeng sầu riêng dŭt jong ngăn ta lam ntur neh, njêng nău ueh êng tâm nău mbơh tơih, mbơh n’hơ nău ntơ sầu riêng Đăk Lăk ta ntŭk tăch rgâl lam ntur neh. Nău mĭn mpŏng tât nău kan nglăp nău dơi têh ngăn Guinness lam ntur neh ntoh bâh nău ŭch n’hao nău ŭch gĭt năl sầu riêng Đăk Lăk ta ntŭk kan lam ntur neh. Nău kan mpŏng tât nău kan nglăp nău dơi têh ngăn Guinness lam ntur neh mô dơn geh mpơl du nău kan mhe ma hôm nha geh nău ueh tâm ntrong mbơh tơih, geh âk nău mât kơl bâh báo chí n’hanh băl mpôl lam ntur neh, bâh nĕ mbơh tơih rup ueh sầu riêng tâm ban kơt nkual neh Đăk Lăk. Wa Đào Mỹ, Groi kruanh UBND n’gor Đăk Lăk, Kruanh rnâng kan leo bư lễ hội sầu riêng Đăk Lăk 2026 an gĭt, tâm rnôk n’gâng kan sầu riêng dôl tâm rdâng đah âk nău ntul rlong, lễ hội nkre lah nău kan văn hoá, nkre lah rơh nkhêp gay ma mbơh tơih , n’hao nău ntơ nău khlăy n’hanh nău knơm sầu riêng Đăk Lăk ta ntŭk tăch rgâl lam ntur neh.