Việt Nam aƀaơ geh klâp ma 1,4 rkeh mpôl sŭt n’hanh 31 doanh nghiệp tăch an dak bah dih dak sŭt. Yơn lah, n’gâng kan dak sŭt dôl tâm rdâng đah nău ntul rlong têh yor ƀư nchrah nchrai, nău ueh mô hŏ tâm ban n’hanh tâm rgop kan ndrel hôm nha mô nâp ueh tâm rnôk ta ntŭk tăch rgâl lam ntur neh aƀaơ lơ ma jêr lơn mpeh gĭt na nê̆ tu tơm. Ta rơh tâm mâp, ăp đại biểu lĕ rgum tâm nchră âk trong kan n’hao nău ueh ntil  sŭt, dŏng khoa học kĩ thuật mhe tâm nău mât njrăng ăp ntil bu tuh n’hanh ntrôl dăng nău tâm rgop đah doanh  nghiệp. Tâm let năp tay, ntrong kan khuyến nông mbra ntrôl dăng pơk hvi ăp nău pah kan jan sa geh săk rnglăy ta ăp nkual mât tăm, leo ƀư nuĭh ƀon lan tât râng kan,  nti kơt nău kan, nkre lah mbro mbơh tơih ăp nău kan công nghệ mhe n’hanh kơl an nuĭh rong sŭt tâm rgop đah ntŭk tăch rgâl, rdâk njêng nău ntơ ntil ndơ OCOP nâp nâl.