Tâm nchră rơh dja, Ban Chấp hành Trung ương mbra mĭn uănh, n’glêh an ăp nkô̆ nău khlay an ƀư Nghị quyết Đại hội XIV bah Đảng, nkô̆ mpeh rdâk njêng Đảng, lam trong kan chính trị n’hanh hun hao neh dak tâm rơh mhe.

Lah ta rnôk ntơm pơk Tâm nchră, Tổng Bí thư, Kruanh dak Tô Lâm lah rjăp, Đại hội XIV hŏ ntrŏng gung trong, rnoh ŭch tât n’hanh ăp trong rƀŏng têh jong; Tâm nchră Trung ương tâl 2 ntơm jâng leo ƀư n’hanh nău way n’glăp dŏng kan an năm kan mhe. Tâm nchră Trung ương tâl 3 ân rgâl ăp trong rƀŏng nê jêng n’glêh an droh rklaih kô̆ yơn wăk kol, mbluh soih tơm ndơ n’hanh njêng suan ntrôl hun hao mhe. 13 nkô̆ tâm nchră mpeh âk trong kan yơn ndrel trong rƀŏng têh lơn, njêng nău dơi rđău kan, mât bôk kan, dâk kan, hun hao n’hanh mât njrăng neh dak tâm rơh mhe. Tổng Bí thư, Kruanh dak dăn đă, Trung ương rgum tâm nchră jru ta rmôt, mpơl kloh nău mĭn ta hội trường, rgop ngăn ngăn tâm trong nchrăp Nghị quyết, Bôk nău kan, trong nchrăp dâk kan; nău rgop glêh, sŏng tâm nkô̆ nău, kloh nău mĭn sŏng di, kloh nău dăn đă, kloh trong sơch; rgop ƀư lôch jêh nău n’glêh an bah Trung ương.