Kêng măng 20/7, Rnâng kan rđau kan 5151 n’gor Gia Lai rƀŭn lôch nau kan 6 khay bôk năm ndrel rƀŭn uănh tay nau kan tâm yan vai 2025-2026 ta Campuchia. Tĭng nau mbơh, yan vai mhe rlau, Đội K51 n’gor Gia Lai hŏ rgum geh 18 nting tahen khĭt tâm Campuchia ndrel 27 nting tâm lam n’gor. Ƀư “Nau kan 500 măng nar”, Gia Lai hŏ rgum geh bơi tât 42 rbăn môch ndrel sŏk 2.705 nting tahen gay ma uănh ADN. Lôch nar rƀŭn, wa Nguyễn Thị Thanh Lịch, Groi Kruanh UBND n’gor nkah, nau kan rgum joi ndrel năl moh săk tahen lah du nau kan chính trị khlay, ŭch ân geh nau lăp kan ngăn rjăp đah nuih n’hâm nau kan prêh ngăn.

Wa đă ăp rmôt kan, n’gor ndal kơp mbơh uănh năl nau, ngăn lah ăp ntu môch tâp âk nŭih tâm ăp nkuăl kơt Đăk Pơ, Đồi Xuân Sơn, Chư Prông, nkre nkah mbơh nau ngăch ăp pơh tât ntŭk kan mât njrăng. Tâm nau kan sŏk ADN, đă ăp rmôt kan ƀư mro mrăng mô kơp măng, nar rlu; nkre jao ân N’gâng kan rđau tahen n’gor đă nau kan nchuăn leo ntung mham ngăch lơn, đăp mpăn lơn./.