Na nê̆, nău kan geh mbơh ƀư ta xã Đăk Đoa, n’gor Gia Lai, ta rnoh neh klâp ma 157ha, đah năm jŏ pah kan lah 50 năm. Nău ŭch bâh nău kan lah mĭn uănh khoa học n’hanh hun hao công nghệ ta trong kan tuch tăm, mât uănh n’hanh ƀư ntil tơm tăm, ngăn lah tơm cà phê. Nău kan lĕ geh mpŏng tât dŏng nău mĭn kan nuĭh ƀư (AI) tâm nău mât uănh nkuăl tăm cà phê, nchroh mbơh n’hanh uănh njrăng nău bu tuh, rdâk njêng trong kan dashboard kơl an nău kan mât uănh nkual tăm. UBND n’gor Gia Lai đă nuĭh ntuh kơl ƀư tĭng ăp  nău ntrŭnh kan mpeh ntuh kơl, neh ntu, rdâk njêng, mât ntŭk gŭ rêh, njrăng rtoh ŭnh sa, công nghệ, rgâl mhe rnoh mbrô n’hanh ăp nău ntrŭnh geh tât pháp luật, mât đăp mpăn pă tŏng rnoh prăk, mbơh tơih nău kan an tâm di nău nchrăp, nău kan n’hanh nău ntrŭnh lĕ tâm ton.