UBND n’gor Dak Lak rƀŭn kơp uănh nâp nau kan nchrăp ân Lễ hội Sầu riêng Dak Lak năm 2026. Lễ hội sầu riêng Dak Lak 2026 đah nkô̆ “Sầu riêng Dak Lak-nthoi hăn ngai” mra geh ƀư ntơm lơ 15/8 tât lơ 2/9 tât, geh 17 nau kan, tâm nê geh 2 nau kan nkoch mbơh geh ntrŭnh ƀư bah năp rnôk lễ hội. Tâm rơh rƀŭn, ăp ntoh măt kŏ rgop nau ƀư jêh ăp nau kan kơl an, nkoch mbơh ndrel ntĭm ƀư ăp nau kan gay n’hao nau tam bah rnôk ƀư nau kan.

Wa Đào Mỹ, Groi Kruanh UBND n’gor Dak Lak đă ăp rmôt kan mât ân tâm dăch ma nau kan, ndal ƀư jêh ăp nau kan tĭng tâm di nau ngăch kan. Rgum bonh đă, uănh năl kloh nau dăng ndrel ơm ƀư jêh nau kan săch kan bah ăp ntŭk ƀư kan tăch rgâl, rmôt kan ƀư ndâk ƀư hăn nsum, đăp mpăn ƀư ân ngăch, ueh, n’ho ro, đăp mpăn ndrel pơk jêng geh nau rêng lư ueh ân ăp ntrong ƀư bah nau kan./.