Tât aƀaơ, Gia Lai hŏ an ƀư tât rnoh 91/110 trong nchrăp tơm điện đah lĕ rngôch rnoh dăng bơi 5.000 MW, tâm ban đah bơi 90% rnoh âk dơi tâm pă.

Ta rơh pah kan, UBND n’gor Gia Lai dăn đă Bộ Công Thương mĭn uănh n’hao rnoh âk dăng điện sial n’hanh điện măt nar tâm di đah săk geh bah n’gor; ơm n’gluh an dŏng rpaih rnoh khlay pơk điện năm 2026; ntrôl ngăch ntuh kơl ăp trong rse điện têk lăp; droh rklaih ăp wăk kol gay trong nchrăp điện sial Chơ Long n’hanh Yang Trung ơm dơi kơp dơn nchrăp nchuăt tăch, nkre geh trong nkra bah ir koh n’hŭch rnoh ngăch dăng mpoh điện bah ăp nhih máy ŭnh nar sĭt jêng tay. Lah ta rơh pah kan, kruanh rđău kan Bộ Công Thương rnê âk lôch jêh an ƀư dăp rgum điện VIII bah Gia Lai. Nkre dăn đă n’gor ra uănh tay ăp trong nchrăp kan, ntrôl ngăch ƀư lôch jêh siƀŭt ntuh kơl, đă ntrơn du, kan nsum lhăt đah ăp nhih pah kan bah Bộ n’hanh n’gâng kan điện gay droh rklaih ăp jêr jŏt, đăp mpăn rnoh ngăch ƀư ăp nchrăp nchrăp n’hanh trong rse điện tĭng dăp rgum, rgop mât đăp mpăn ăp tŏng ŭnh nar gưl neh dak.