N’gâng kan tơm prăk mhe ƀư rơh rƀŭn lôch 6 khay bôk năm kan, ntrŭnh ƀư nau kan tâm 6 khay dŭt năm 2026 tĭng nau ƀư sŏng ndrel trực tuyến đah 33 n’gor. Năm 2026 lah năm bôk năp ƀư nkô̆ nau hun hao “2 rnoh mrô” ân lvang năm 2026-2030, ndŏ luh nau đă ân ntŭk kan tơm prăk nkre ân geh tâm nchră gay mât đăp mpăn văng sa mrô, nkân njrăng nau hao khlay, nkre ân geh rgum, ntop ndrel dŏng ân tam ăp nau dơi tơm gay ntrŭt dăng ngăch ndrel nâp nâl. N’gâng kan tơm prăk ndal ntrŭnh ƀư ngăn nau ntrŭnh Đại hội XIV, ăp nau ntrŭnh, nau rƀŭn đă bah Trung ương, N’gâng kan Chính trị, Ban Bí thư, Quốc hội, rđau đă bah Chính phủ.

Thủ tướng jêng ăp bôk nau kan, nau nchrăp kan gay ntrŭnh ân năn, săk tam tâm 6 khay bôk năm 2026; tâm rgop rjăp đah ăp n’gâng kan, ntŭk kan, n’gor nchrăp tâm nchră, ntrŭnh ƀư ân tâm ban, ueh nâp, blau nau mhe, ngăn, săk tam, geh nkô̆ tơm, geh nau dăng, đăp mpăn nau ngăch ƀư jêh rnoh nau kan têh; năn tŏng dơi nau đă nau ntrŭnh geh tât nau rgâl mhe bah Bộ Chính trị, ndâk tay nau kan, nau ntrŭnh ueh ân du đê̆ n’gor tơm ndrel ntrong kan pháp lý ân ăp nau kan văng sa mhe./.