Jêh kơp uănh ƀư tĭng nău ntĭm bah N’gâng kan Dân tộc n’hanh Tôn giáo, an saơ, n’gor Lâm Đồng mĭn lah nău ŭch khlay ntuh kơl 55 ndơ ƀư pă dak dŏng rgum đah dĭng lĕ prăk bơi 245 rmen prăk; 19 ndơ ƀư điện, geh 16 ndơ ƀư điện rse n’hanh 3 ndơ ƀư điện pơk ang, đah dĭng lĕ prăk bơi 79 rmen prăk.

Ndrel đah nĕ, n’gor dăn đă ntop kơl ndâk ƀư jay gŭ an 35 rnăk geh nău rêh jêr jŏt, prăk 1,75 rmen prăk. Dĭng lĕ ŭch geh prăk ƀư ăp ndơ ƀư khlay rlău 325 rmen prăk, lĕ rngôch lah prăk ntuh kơl hun hao. Lâm Đồng mĭn kơl lor rgum prăk ƀư ăp ndơ ƀư ta 218 rmen prăk thôn dŭt jêr jŏt rgop rgâl nău gŭ âm, n’hao uĕh nău rêh bah ƀon lan rnoi mpôl đêt.