6 khay bôk năm, wăng sa – rêh jêng kon nuĭh bah n’gor Gia Lai mât tay jâng nsan hun hao nsrôih uĕh.

Nsĭt geh prăk ngân sách ngih dak rlău 16.500 rmen prăk, hao rlău 20% rđĭl đah ndrel khay dja năm bah năp nơh. Lam n’gor wăch rgum 165 trong nchrăp ntuh kơl mhe đah lĕ rngôch tơm prăk đăng ký bơi 165.000 rmen prăk. Ăp trong kan văn hóa, ntĭm nti, dak si, rgâl mbrô, rgâl dơh glêh siƀŭt, ăp tŏng geh nău rêh dơi uănh khlay tay; njrăng n’gang neh dak, rnă njrăng dơi mât nâp. Ƀư tâm 2 nar, rơh hop HĐND n’gor Gia Lai mbra mĭn uănh 51 nkô̆, tâm nê geh âk nghị quyết khlay mpeh tơm prăk - ngân sách, ntuh kơl, dăp rgum, mât dŏng neh ntu, rgâl dŏng bri, ăp bôk nău kan gưl neh dak n’hanh lơn lah nău rgâl Dăp rgum n’gor Gia Lai rơh năm 2021-2030, uănh ngai tât năm 2050.