Khánh Hòa joi nău mbơh tahen khĭt ta jay krŭng Thành Diên Khánh
Thứ hai, 13:57, 13/07/2026
VOV Tây Nguyên/Nuĭh rblang: Y Sưng Phê Ja
VOV Tây Nguyên/Nuĭh rblang: Y Sưng Phê Ja
VOV.M’nông - Ban ntĭm rđău nău kan “500 nar măng joi, rgum n’hanh năl săk tahen khĭt” xă Diên Khánh, n’gor Khánh Hòa dôl kuăl jă ăp tahen, nuĭh saơ kăl e n’hanh nuĭh ƀon lan mbơh nu nău đah ăp tahen khĭt ta Ngih krŭng Thành Diên Khánh bah năp năm 1975.
Jêh uănh samƀŭt rhăch nău, ban ntĭm rđău lĕ năl săk geh 15 tahen khĭt tă geh nhŭp krŭng n’hanh khĭt ta aơ tâm lvang 1946-1951. Ăp tahen khĭt ƀon tơm ta nkuăl Diên Khánh da dê, deh năm 1898-1930 n’hanh râng cách mạng bah ăp năm 1945-1949, ƀư ăp nău kan kơt cán bộ kháng chiên, du kích, tiểu đội trưởng.
Gay rhŏ nău kan săk rnglăy pah kan rgum, ban ntĭm rđău mpŏng ŭch dơi geh nău tâm rgop, mbơh samƀŭt samtra bah ăp nuĭh bên n’hanh nuĭh ƀon lan; ăp nău mbơh wơt dơn mbra dơi uănh năl n’hanh mpôn tĭng nău ntrŭnh. Nuĭh ƀon lan geh nău mbơh geh tât dơi ôp Thiếu tá Trần Anh Nam, Chính trị viên Groi Ban Ntĭm rđău tahen xă Diên Khánh, tă bah mrô điện thoại/zalo 0977.391.879 mô lah email namtran.tan@gmail.com.
Viết bình luận