Rơh tât khâl geh nău kan khlăy ngăn rnôk geh ƀư di ta rơh kahgĭt 50 năm nar njêng tâm boh nău đah dak bah dih Việt Nam- Thái Lan, ntop ntrôl  nău kan nsum geh nău tơm khlăy lĕ rngôch Việt Nam- Thái Lan ăp nar lơ ma hun hao na nê̆ lơn n’hanh geh săk rnglăy. Bar hê nuĭh leo kan lĕ tâm ban ŭch n’hao nău knơm chính trị bâh mât ueh tâm mâp gưl têh n’hanh ăp gưl kan, n’hao an săk rnglăy ăp trong kan tâm kơl kan khlăy, ngăn lah nău kan rƀŭn nchră chính phủ nsum yor Thủ tướng 2 dak ndrel leo ƀư, tâm rgop mbơh ƀư an geh săk rnglăy bôk nău pah kan mbơh tơih nău tâm boh kan ndrel lĕ rngôch Việt Nam- Thái Lan lvang năm 2026-2031 đah ăp nău dơi geh na nê̆ ta trong kan mât rnă njrăng ngih dak, rnă njrăng đăp mpăn wăng sa khoa học, công nghệ, văn hoá, pâl nđaih n’hanh tâm ƀon đah ƀon lan 2 dak. Bar hê nuĭh leo kan tâm ban ŭch ntrôl mbơh tơih na nê̆ ngăn ngên ntrong kan “pe nău tâm rgop”, n’hao nău tâm rgop pah kan pă an, doanh nghiệp, ta ntŭk kan n’hanh ăp ntrong kan hun hao an nâp nâl, sŏk dŏng geh săk rnglăy ntrong kan wăng sa Đông- Tây n’hanh ntrong kan hun hao wăng sa mpeh ba dâng, pơk hvi nău tâm rgop mpeh trong hăn ta neh, trong ta trôk n’hanh trong dak lêng, ntrŭt đă doanh nghiệp 2 dak pơk hvi ntuh kơl, n’hao an săk rnglăy ntrong kan Uỷ ban ăp nău kan  tăch rgâl Việt Nam- Thái Lan, ơm nsrôih geh nău ŭch prăk geh tăch rgâl đah 2 ding 25 rmen đôlar, mpŏng tât 50 rmen đôlar tĭng trong kan tâm ban n’hanh nâp nâl.