Uănh năl lôch geh 7 khay hŏ rlău, Thủ tướng đă ăp nuĭh kan tâm Chính phủ nsing tâm nô nău ngăn geh n’hanh nkô̆ mbơh bah Bộ Tài chính, Văn phòng Chính phủ gay uănh năl jru ăp nău dơi hŏ geh. Ngoăy tâm ăp nkô̆ rgum tơm dơi Thủ tướng rđău đă ta rơh hop lah pah kan lôch jêh trong tĭng n’hanh an ƀư ăp nghị quyết têh jong.

Tĭng nê, ntrôl ngăch ƀư lôch jêh ăp trong nchrăp luật, nghị quyết hao rblang dăn Quốc hội; ndăn ngăch n’gluh an dŏng ăp siƀŭt ntĭm nti ăp quy định pháp luật hŏ geh nău tam yơn hôm ƀư mbrơi. Mpeh nău an ƀư lĕ n’hâm suan Nghị quyết 57 bah Bộ Chính trị mpeh rgâl mbrô, Thủ tướng an lah, lôch rnôk Ban rđău đă Trung ương dơi dăp rgum ăp tŏng mpeh pleh hao n’hanh nhih pah kan rnâng kan, ăp n’gâng kan ân lor nchrăp tĭng ƀư ăp trong kan. Tâm nê, rgum tơm lah ƀư jêng ngăn ngăn rpaih păch pêng nkrum lam neh dak mbrô, lôch jêh ntŭk rgum mât prăp nău lư gưl neh dak n’hanh ntŭk mât prăp nău lư way n’gâng kan, hun hao công nghệ n’hanh ăp ndơ geh ƀư công nghệ têh khlay.