Na nê̆, ân đăp mpăn trong kơl, pháp luật grêt dăch ngăn ngăn, hăn pơk lor trong an hun hao, sŏk nuĭh ƀon lan n’hanh doanh nghiệp ƀư rgum tơm, sŏk săk tam, nsĭt geh nău dơi bah lam trong kan pháp luật ƀư mâng weh njêng pháp luật.

Kruanh Quốc hội lah rjăp, rơh hop mpơl nău nsrôih bah Quốc hội, Chính phủ n’hanh ăp nhih pah kan tâm nău năn ngăch trong tĭng ăp trong nchrăp bah Đảng, tŏng an nău ŭch geh hun hao neh dak, mô an mbrơi nkai, lăn rlău rơh. Kruanh Quốc hội dăn đă ăp đại biểu gŭ mĭn na nê̆ siƀŭt rgum nchih, nsrôih tâm rkhăch, rgop nău đah ăp nkô̆ hôm êng êng, lơn lah ăp nkô̆ nău ring tam na nê̆ tât nuĭh ƀon lan n’hanh doanh nghiệp; nkre đă tĭng trong nchrăp luật, nghị quyết ân dơi nchrăp na nê̆, uănh năl ăp tŏng ring tam n’hanh rgum bôk rngok gĭt blău bah ăp nuĭh rnâng kan, nuĭh khoa học, mpôl doanh nghiệp gay n’hao săk tam rdâk njêng pháp luật.