Ta n’gor Đăk Lăk, ăp nkô̆ nău geh sŏk nău tâm rgop geh: Luật rgâl mhe, ntop du đê̆ nkô̆ bâh Luật dơn nău kan tâm trok bâh Ngih dak, Luật rgâl mhe, ntop du đê̆ nkô̆ bâh Luật Ngân hàng Ngih dak Việt Nam, Luật njrăng, rdâng rgâl dŏng prăk geh kan mô tâm di n’hanh Luật ăp ntŭk kan leo kan manh prăk, Luật rgâl mhe, ntop du đê̆ nkô̆ bâh Luật mbơh tơih nău kan công nghệ, Luật viễn thông, Luật mbơh tơih nău kan điện tử, Luật tần số vô tuyến điện, ndrel đah 2 nău nchrăp kan nghị quyết bâh Quốc hội mpeh njrăng, rdâng nuĭh tih n’hanh nău kan tơm, nău kơl kan njrăng rdâng nău ƀư tih mpeh pháp luật geh tât nău wăng sa, rgâl mhe nău mĭn kan, rgâl mhe rnoh mbrô. Ndơn kan an ăp ntŭk kan bâh n’gor Đăk Lăk lĕ dăn đă ƀư lôch âk nău ntrŭnh ntoh luh bâh nău kan ngăn.

Ta Lâm Đồng, ntoh măt ăp n’gâng kan, nău kan lĕ râng 8 rơh rgop nău đah 15 nău nchrăp ƀư luật, 4 dự thảo nghị quyết quy phạm pháp luật, tâm nĕ âk nău rgop đah Luật neh ntu (nkra rgâl), Luật jay gŭ (nkra rgâl); Luật tăch rgâl neh ntu (nkra rgâl); nău nchrăp ƀư Bộ luật Hình sự (nkra rgâl); Nău nchrăp ƀư Luật nkra rgâl, ntop tay du đêt nău bah 09 luật mpeh Tahen, mât njrăng bri dak... ăp nău rgop geh bah nău đă ngăn bâh ƀon lan. Mpôl đại biểu Quốc hội n’gor Lâm Đồng lĕ rgum ăp, săch ăp nkô̆ nău khlay gay râng tâm Rơh rƀŭn ndal bôk năp, Quốc hội khóa 16.