Nglôch lôch rơh rƀŭn nchră, Tổng Bí thư, Kruanh dak lah na nê̆, nău ƀư lôch lĕ rnâng kan ntĭm leo Trung ương rơh aơ lah mô geh dơn rgâl mpeh pă nău kan  n’hanh ngăn lơn lah nău rgâl mhe mpeh nău tơm pah kan gay ma an tâm di đah nău ŭch kan ta rơh mhe. Wa đă, an geh rgâl ngăch dăng bâh nău mât uănh nău ngăch kan tât mât uănh nău kan an geh dơi kan na nê̆ lơn, ăp nău kan an geh uănh năl na nê̆ bâh nău an geh doh rklaih, geh ntil ndơ kan nglâ̆ dŭt, nuĭh geh dŏng, n’hanh njêng nău geh mbra dơi veh kơp, uănh năl na nê̆. Tổng Bí thư, Kruanh dak an lah, an geh njêng nău rgâl mhe tơm bâh nău kan dơh tât nău mĭn kan mhe, bâh nuĭh kan jâng ti jêng nuĭh kan bôk rngok, yor lah he mô dơi hun hao ngăch n’hanh nâp nâl lah hôm nha geh knơm ta nău pah kan jâng ti dơm, ăp nău kan ntrŭp dŏng ăp ntil ndơ ơm geh.