Ntoh ngơi ta rơh tâm mâp, Kruanh Quốc hội Trần Thanh Mẫn an gĭt, tâm năm kan ba năp, Quốc hội lĕ geh nsrôih ƀư lôch ntrong kan pháp luật, tât aƀaơ lĕ geh rdâk njêng 122 luật, nghị quyết. Yơn nău geh lĕ dơi geh tâm ba năp nơh lah lah nău kan dŭt khlăy, yơn lah nău ŭch hun hao mhe bâh neh dak dôl geh ngluh mbơh ăp nău kan an âk lơn đah nău kan uănh nđôi. Quốc hội khoá 16 an geh njêng du ntrong kan uănh nđôi mhe: geh nău mpŏng kan uănh nău kan tơm khlăy, leo kan mbơh nchroh nău kan, knơm ta rnoh mbrô n’hanh nău kan tă geh saơ, rgum di đah nău kan ngăn, hăn tât ndrel dơn kan n’hanh nău geh. Uănh nđôi mô dơn uănh nău lĕ geh dơi ƀư, ma an geh ntop njêng nău kan an geh kan, mô dơn geh saơ nău mô dơi, ma an geh doh rklaih ăp nău kŏ văk, mbơh njrăng nău tât, ntrôl nău pah kan n’hanh njêng nău hun hao. Rnoh khlăy nglâ̆ dŭt bâh nău pah kan lah njêng ăp nău rgâl mhe ngăn ngên tâm nău ƀư lôch nău kan, leo ƀư tĭng pháp luật, n’hao an săk rnglăy mât uănh ngih dak, n’hanh n’hao ngăn lah kơl an ueh ƀon lan, yor nău hun hao ngăch, nâp nâl bâh neh dak.