N’glôch jêh rơh pah kan, Tổng Bí thư, Kruanh dak dăn đă, ân ndăn ngăch ƀư lôch jêh Đề án dăp rgum tay Tập đoàn lvang năm 2026 - 2030 tĭng trong rƀŏng ngăn ngăn, rgum tơm; Đề án ân grêt dăch Nghị quyết 19, Nghị quyết 57, ăp dăp rgum mpeh ŭnh nar, loih kông n’hanh ân rgâl kloh uĕh; ƀư kloh rnoh ŭch tât, trong tor gĭt lor, nău dơn kan, lôch jêh weh dơi ma nău yach ngăch, nsĭt geh nău tam tơm prăk  n’hanh nău dăng công nghệ, nuĭh kan glêh tam n’hanh suan dăng tâm rlong âk.

Tổng Bí thư, Kruanh dak đă, Tập đoàn ân njêng đăt ndal mpeh khoa học công nghệ, rgâl mbrô n’hanh yach ngăch kan; nkre dăp rgum tay ăp trong kan ntuh kơl n’hanh prăk kaih, ntrôl dăng pơk hvi tâm boh hun hao, n’hao nău dơi tam mât bôk kan, ăp trong nchrăp ân dơi ndơ̆ lăp tâm nkrum lam n’hanh dơi sơch lhăt, mô nchuăt tĭng rnoh têh hvi, mô ntuh kơl mbrach jong. Ndơ̆ đăp mpăn n’hanh nău rêh bah nuĭh kan gŭ klang n’gul nkre đah mât dŏng ndơ mpêt khlay, sĭt jêng tay ntŭk tăch rgâl, hun hao jŏ jong bah n’gor. Ndrel đah nê, ân mât chăm mpeh jay gŭ, dak si n’hanh ndơ geh dŏng nsum mpeh ntŭk pah kan, n’glăp dŏng âk ndeh rklư, pet lât gay hŭch bah âk nuĭh kan ta ntŭk ƀư têh jâk, klach rvê.