Thủ tướng Lê Minh Hưng lah ueh ăp nău rgop bah wa Schmittmann tâm nău mât tâm nchră nău kơl an n’hanh n’hao dơi ntĭm nti an Việt Nam tâm năm bah năp, nkre mbah rhơn wa Jamaludin dơi săch tay ta Việt Nam n’hanh Lào.

Thủ tướng Lê Minh Hưng lah rjăp, IMF lah nuĭh mbơh ntĭm nău kơl an têh n’hanh băl hăn ndrel dơi nsing nơm. Chính phủ Việt Nam uănh ăp nău mbơh, dăn đă bah IMF lah tơm nău mbơh tâm uănh khlay tâm trong nchrăp ƀĭt joet.

Thủ tướng mpŏng ŭch tâm năm kan mhe, Văn phòng IMF ƀư ntung nthoi tay, ntrôl kan ndrel ngăn ngên, mât na nao tâm nchră nău kơl ƀa ƀơ, rgop săk rnglăy tâm nău rƀŏng hao jêng ngăch n’hanh nâp nâl bah Việt Nam.