Nău ntrŭnh trong ƀư “Mbôr kloh uĕh” dơi kơt dŏng rlong ƀư đah ăp nău nchrăp ƀư ntuh kơl rgâl mrô mpeh tâm nău kan an prăk ntuh kơl hun hao tĭng nău ntrŭnh bah Nghị định mrô 224 bah Chính phủ. Ntŭk kơt dŏng geh 2 nău khlay lah uănh năl, nău ntrŭnh ntuh kơl n’hanh uănh năl, nău ntrŭnh ntuh kơl nău nchrăp ƀư.

UBND n’gor Dak Lak lĕ geh nău rƀŏng nsrôih rhoăt glêh geh đêt ngăn 30% nar mkra ăp samƀŭt mpeh nău kan bah ngih pah kan ngih dak tâm ăp nău uănh năl, sŏk nău rgop, rgum lĕ, mbơh an ký n’hanh an nău ntrŭnh đah ăp nău nchrăp ƀư mpeh tâm ntŭk kơt dŏng. Jêh 6 khay mbơh ƀư mbra ƀư uănh lah bôk năp, jêh 1 năm ƀư n’gul gâl gay uănh mĭn tay ƀư tĭng, nkra rgâl mô lah pơk hvi ntŭk an kơt dŏng.