Ntoh ngơi ntĭm rđău ta Đại hội, Tổng Bí thư, Kruanh dak Tô Lâm lah rjăp, Đảng, Ngih dak n’hanh nuĭh ƀon lan Việt Nam mpŏng dơi dơn nău kan ndrel bah Ntrong leo Chữ thập đỏ n’hanh Trăng lưỡi liềm đỏ lam ntŭr neh, ăp rmôt kan dak bah dih n’hanh kan ndrel hun hao, rgop n’hao dơi kơl nuĭh, n’hao nău tâm rnglăp, tâm rgum yor đăp mpăn n’hanh hun hao nâp nâl.

Nkoch kloh, Neh dak he dôl lăp rach năm hun hao mhe, rƀŏng tât jêng dak hun hao, geh prăk âk tâm năm 2045, Tổng Bí thư, Kruanh dak Tô Lâm an lah, du Việt Nam têh dăng nkre lah du Việt Nam kơl nuĭh; du nău rêh jêng mhe an gĭt tâm pă; du dak hun hao tâm ryơk n’hanh mât njrăng nău ueh, nău đăp mpăn bah du kon nuĭh.

Yor nê, trong kan kơl nuĭh mô dơi rlu ta nău ntop kơl trôk nar lơh, nuh srê, geh khuch khat, ma an jêng du gâl bah trong hun hao kon nuĭh, đăp mpăn kon nuĭh, mât uănh nău tât mâp n’hanh n’hao dơi hao êng bah nsum mpôl.