Tât aƀaơ, Dak Lak lĕ pă rlău 9.600 rmen prăk ntuh kơl nsum, ndâk njêng 5 rmôt pah kan sŏk neh ntu an 51 năm nchrăp ƀư khlay n’hanh rgŏ jă ntrôl ngăch 20 nău nchrăp ƀư. UBND n’gor Dak Lak geh nău rƀŏng 6 khay dŭt năm geh dĭng lĕ prăk ntuh kơl ƀư tĭng rlău 53.200 rmen prăk, hao 70% nkôp đah rơh aơ.

Ta rơh rƀŭn, ăp đại biểu rblang nău jêr jŏt pă an prăk, wăch rgum ntuh kơl, nkre tâm ban ŭch jao an mât uănh săk rnglăy, ndrel đah lĕ nău kan nuĭh djôt bôk. N’glôn jêh rƀŭn nchră, Bí thư N’gor ủy Dak Lak Lương Nguyễn Minh Triết đă na nê̆ nău kan 9 khay n’hanh 12 khay, kơl lor tơm prăk an ăp nău nchrăp ƀư rgop hao jêng; rnê rhơn ntŭk kan ƀư ueh n’hanh rmal rjăp nuĭh djôt bôk ăp ntŭk ƀư mbrơi, dêr lĕ đah nău kan.