Ta nâm nău ƀư tơm bah Kruanh Quốc hội Trần Thanh Mẫn, nar ntri (27/7) Uỷ ban Thường vụ Quốc hội nthoi tay rơh hop tâl 4, an nău rgop mpeh trong nchrăp Nghị quyết bah Quốc hội mpeh pah kan njrăng, n’gang nuĭh tih n’hanh nău tih pháp luật, pah kan bah Viện kiểm sát ƀon lan, bah Nhih phat dôih ƀon lan n’hanh pah kan nkra nău tih tĭng nău n’glêh an…

Ta rơh hop đŏng, UBTVQH an nău rgop đah siƀŭt hao rblang dăn bah Chính phủ mpeh trong nchrăp Nghị định quy định trong n’guăk, trong kơl mha êng đah trong nchrăp rdâk njêng nkual gŭ rgum rŭn dak lêng ta nkual ƀon têh Đà Nẵng. Tĭng nê, trong nchrăp đah rnoh hvi nklăp 1500ha, tơm prăk ntuh kơl rlău 400 rbăn rmen prăk, dơi rƀŏng jêng nkual gŭ rgum rŭn dak lêng têh uĕh mhe, dah lam ntŭr neh, ntŭk wăch rgum bôk rngok gĭt blău, tơm prăk ntuh kơl, công nghệ n’hanh blău ƀư njêng mhe. Rgop pơk hvi ntŭk hun hao, jêng suan ntrôl hun hao mhe bah jâng wăng sa gĭt blău, tâm di đah nău ŭch geh rgâl trong ntĭt leo hun hao neh dak tâm rơh mhe.