Ntil ndơ nhôm mâng glo bôk năp geh nău ueh di tât 99,71%, rơh 1 bâh ngih máy geh công suất 150 rbăn tấn/năm n’hanh mbra n’hao jêng tât 300 rbăn tấn ta dŭt năm, ê lor geh rnoh công suất ƀư 450 rbăn tấn ăp năm ta pe khay bôk năm 2027. Ntoh ngơi ta rơh lễ, Đại tướng Phan Văn Giang, Groi Thủ tướng Chính phủ, Kruanh n’gâng kan mât rnă njrăng ngih dak lah na nê̆, nău ƀư dơi nhôm lah nău mpơl kan dŭt khlăy tâm nău dơi bâh n’gâng kan ƀư loih Việt Nam, ƀư tĭng nău ntrŭnh bâh Đảng n’hanh Ngih dak mpeh hun hao công nghệ nkret ƀư ntil ndơ tâm neh. Đại tướng Phan Văn Giang đă ăp n’gâng kan, ăp ntŭk kan an geh ƀư lôch nău kơl kan hun hao n’gâng kan công nghiệp nhôm, n’gor Lâm Đồng ntrôl dăng ntuh kơl ndơ dŏng, ŭnh nar, Logistic n’hanh geh âk nău nkret ƀư ba kơi nhôm.