Rnôk geh ƀư lôch, nău kan mbră ơm lăp dŏng đăp mpăn nău rêh jêng an rlău 200 rnăk ƀon lan  way geh nău khuch tât bâh mih sial ta ntŭk. Nău kan pă dăp đăp mpăn nău gŭ an ƀon lan ta nkual geh nău tât bâh mih sial ta xã Ia Tul geh lĕ rnoh ntuh kơl rlău 200 rmen prăk, yor rnâng kan mât uănh ăp nău ntuh kơl rdâk njêng n’gor Gia Lai ƀư tơm ntuh kơl. Nău kan geh hvi 22 ha, geh ntuh kơl tâm ban ndo dŏng kĩ thuật đah trong hăn ta ntŭk ueh, ntŭk trong luh dak, điện mpoh ang ŭnh măt nar n’hanh pă dak dŏng bâh 3 ntuh khoan. Wa Phạm Văn Đức, Kruanh UBND xã Ia Tul, n’gor Gia Lai an gĭt, nău kan gay ma ntrơn ƀon lan 207 rnăk ta ƀon Jứ, nkual geh âk năm ba năp way geh rluh neh, dak băm, mô đăp mpăn an nău rêh n’hanh drăp ndơ bâh ƀon lan ta rnôk khay mih.