Di rơh kahgĭt 79 năm nar tahen sôt rmanh- tahen khĭt tâm lơh kăl e, kêng măng nar naơ 26/7, ta nkuăl ƀon têh Hồ Chí Minh, Kruanh Quốc hội Trần Thanh Mẫn lĕ tât an kao si, mpoh su nhang ta rup ndah Tổng Bí thư Trần Phú, Ntŭk nchih ndrăy kahgĭt ăp tahen khĭt tâm lơh kăl e, ntŭk mât nting tahen khĭt tâm lơh kăl e, ntŭk mbah ryơh ăp tahen khĭt tâm lơh kăl e Lê Thị Riêng n’hanh tahen khĭt tâm lơh kăl e Trần Văn Kiểu, nkre lah tât khâl, rgŏ jă ăp mpôl kan tât râng rgum joi, rgum leo nting tahen khĭt tâm lơh kăl e ta Công viên Lê Thị Riêng. Tâm nău ntoh n’gôr dŭt ueh nĕ n’hanh dŭt ryơk, Kruanh Quốc hội Trần Thanh Mẫn n’hanh mpôl pah kan lĕ mpoh su nhang , mpơl nău lah ueh ryơk dŭt n’hâm tât nău kan bâh Tổng Bí thư Trần Phú n’hanh ăp tahen khĭt tâm lơh kăl e lĕ khĭt yor tâm lơh, yor nău đăp mpăn bâh ƀon lan. Gay ma rgŏ jă ăp nuĭh mpôl kan dôl geh ƀư nău kan joi, rgum ăp nting tahen khĭt tâm lơh n’hanh gĭt năl săk ntơ tahen khĭt tâm lơh ta công viên Lê Thị Riêng, Kruanh Quốc hội Trần Thanh Mẫn, way kan Rnâng kan Bí thư Trần Cẩm Tú n’hanh Kruanh Uỷ ban Trung ương Mặt Trận Tổ quốc Việt Nam Bùi Thị Minh Hoài lĕ pă an ăp nklâm ndơ khlăy an mpôl kan dôl pah kan ta aơ.