Rơh tât khâl bâh Kruanh Quốc hội Campuchia Khuon Sudary lah na nê̆ nău uănh khlăy ndâk nsơm nău knơm mpeh chính trị n’hanh ntrôl nău tâm kơl kan lĕ rngôch đah 2 dak. Rơh tât khâl ntop ntrôl nău tâm kơl kan nghị viện 2 dak, nkre lah n’hao nău tâm gĭt vât, tâm mbơh nău kan lập pháp. Aơ lah rơh nkhêp gay ma bar ding an geh uănh nđôi tay nău geh tâm kơl kan ta ăp trong kan, ngăn lah nchră nău đah dak bah dih nghị viện gay ma mpŏng ndơ̆ nău tâm boh kan Việt Nam n’hanh Campuchia hao du njoat kan mhe, ăp nar lơ ma hăn tâm nău ngăn, ngăn ngên n’hanh săk rnglăy.