Aơ lah nău kan geh nkô̆ khlay chính trị, rŏng nuĭh jru, mpơl nău nkah gĭt bah Đảng, Ngih dak n’hanh Quốc hội đah ăp Me Việt Nam dăng janh, ăp tahen Dăng janh ƀon lan n’hanh ăp nuĭh geh n’hâm suan đah cách mạng; nkre rgop ntĭm nti nău way ơm rŏng dak, nuih n’hâm nkah gĭt n’hanh nău dơn kan bah ăp rơh kơn nar aơ đah n’gâng kan rdâk njêng n’hanh mât njrăng neh dak. Nkah gĭt ân dơi mpơl ma ăp nău kan way ƀư mbro, ma nău mât chăm ăp dăp n’hanh ma ăp trong kơl ngăn ngăn. Đah nău dơn kan bah he, Quốc hội way rong an nău uănh khlay mha êng đah nuĭh geh n’hâm suan. Nkhêp geh rnôk dja, Groi kruanh Quốc hội Nguyễn Thị Thanh n’hanh Viện gŭ mĭn Văn hóa n’hanh Dân sinh hŏ pă an ăp nklâm ndơ nkah gĭt tât Me Việt Nam Dăng janh, Tahen dăng janh ƀon lan n’hanh nuĭh geh n’hâm suan ntoh lư.