UBND n’gor Dak Lak hŏ nsrôih 400 rmen prăk bah tơm prăk ntop sŏk geh tay rđĭl đah trong nchrăp sŏk dŏng n’hanh rnoh prăk dŏng hôm rmeh bah ngân sách n’gor năm 2025 gay tâm pă an ăp ntŭk tâm dâng an but săm tât leh, sơch but săm n’hâm suan lam ƀon lan năm 2026. Nkre, UBND n’gor jao Sở Tài chính kan nsum đah Sở Y tế Dak Lak tĭng ƀư nău n’gluh tơm prăk dja an ăp xã, phường tĭng ƀư. Sở Y tế Dak Lak an gĭt, aƀaơ tơm prăk hŏ ơm nchrăp, sở hŏ geh siƀŭt njuăl ntĭm nti bah UBND an ăp xã, phường njêng ăp ntŭk du Ban rđău đă but săm n’hâm suan lam ƀon lan lah ntơh măt an mpôl kan dak si tâm dâng, Mpôl nuĭh âk năm deh, Mpôl nuĭh quet nte, du đêt n’gâng kan, nsum mpôl ta ntŭk.