Mpôl đại biểu Quốc hội n’gor Dak Lak lĕ hăn uănh nău mbơh ƀư tĭng Luật Neh ntu năm 2024 ta N’gâng kan Tuch tăm mât rong n’hanh ntŭk ntô gŭ âm gay uănh lah săk rnglăy ƀư tĭng luật, djôt dơn ăp jêr jŏt, wăk kol ntoh mhe bah n’hêl na nê̆ gay rhŏ an trong kan nkra rgâl, jêh nău kơl, pháp luật mpeh neh ntu tâm năm tât.

Ta nar hăn uănh, ăp nuĭh Mpôl Đại biểu Quốc hội n’gor Dak Lak tâm rgâl, ƀư kloh ăp jêr jŏt, wăk kol tâm rnôk ƀư tĭng Luật Neh ntu năm 2024, ngăn lah trong kan pă samƀŭt kơp dơn dŏng neh, sŏk neh, ndâk ƀư nkô̆ nău samƀŭt samtra neh ntu n’hanh ƀư tĭng pă gưl, pă nău dơi mkra tâm ntrong ƀư n’gâng kan ƀon lan 2 gưl. Ntoh ngơi n’glôn jêh, wa Lê Đào An Xuân, Groi Kruanh Mpôl chuyên trách Mpôl ĐBQH n’gor Dak Lak lah, tâm rnôk n’hao pă gưl, pă nău dơi mkra n’hanh nchrŏng trong ndâk njêng luật tĭng trong nsum, N’gâng kan tuch tăm mât rong n’hanh ntŭk ntô gŭ âm mbra an nchrăp lor tâm ôp, lôch jêh samƀŭt mpeh tâm nău dơi mkra bah n’gor gay đăp mpăn nău ƀư tĭng Luật Neh ntu săk rnglăy, tâm ban ŭch n’hanh tâm di đah nău ƀư ngăn.