Chính phủ đă pă nău dơi têh hvi lơn an nkuăl ƀon têh khlăy ngăn. mbơh tơih nău mbơh bâh Chính phủ, kruanh n’gâng kan Tư pháp Hoàng Thanh Tùng lah na nê̆, nău kan Luật hun hao nkuăl ƀon têh geh rdâk njêng gay ma njêng nău way kan pháp lý an tâm di ueh, nău kan mhe n’hanh geh nău dơi ntrôl an hun hao. Nkô̆ nău ŭch kan tơm khlăy ngăn lah doh rklaih ăp nău kŏ văk mpeh ntrong kan, ndơ dŏng, rnoh nuĭh kan n’hanh leo ƀư pah kan, n’hao nău dơi pă, pă nău dơi kan gay ma ntrôl an hun hao ngăch, nâp nâl. Nău ntrŭnh luật lah dŭt khlăy ngăn gay ma njêng ƀư ueh nău ntrŭnh, nghị quyết bâh Đảng, ndơn kan, ƀư dŏng luật da dê ăp nău kan, nău kơl kan khlăy an geh ntrŭnh mbơh ta nghị quyết geh tât bâh Quốc hội lĕ geh ƀư tĭng nău ngăn. Aƀaơ, nkuăl ƀon têh Hồ Chí Minh n’hanh ăp nkuăl ƀon têh têh hôm nha geh âk nău kŏ văk jêr mpeh nău nchrăp kan, nău kan ndơ dŏng, ntung trong, ntŭk gŭ rêh, rgâl mhe nău kan, ntĭm nti, dak si rnă njrăng nău rêh jêng, mât đăp mpăn tâm rgop ta ăp nkual, an geh njêng du nău luật đăp mpăn, lĕ rngôch n’hanh tŏng dăng gay ma njêng du nău nsrôih an hun hao mhe.