Lơ 27/7, ta ntŭk kan Trung ương Đảng, đồng chí Tô Lâm, Tổng Bí thư Rnâng kan rđau kan Trung ương Đảng, Kruanh dak Cộng hoà xã hội chủ nghĩa Việt Nam pah kan đah Rnâng kan Đảng uỷ ndrel rđau kan Thanh tra Chính phủ. Jêh rnôk djăt nau mbơh ndrel ăp nau rgop đă, đồng chí Tổng Bí thư, Kruanh dak Tô Lâm ndơn ndrel rnê Đảng uỷ, rđau kan Thanh tra Chính phủ ndrel lam ntŭk kan Thanh tra hŏ nsôih rklaih nau jêr, nchrăp ƀư nau kan mhe, ƀư jêh âk rnoh nau kan têh ndrel geh âk nau dơi ngăn.

Tổng Bí thư, Kruanh dak Tô Lâm đă, tâm rơh tât, rgâl mhe nau kan mêt uănh ân geh ndŏ tâm nau rgum rgâl mhe nau rđau đă bah Đảng, ƀư jêh Ngih dak pháp quyền xã hội chủ nghĩa; dăp rgum ntrong kan, dŏng n’gâng kan tâm n’gor bar gưl, pă gưl, pă nau kan ndrel n’hao nau mât kan neh dak. Ƀư nau kan bah ntŭk kan ân geh rgum, tâm ban nau, n’ho ro, tâm dăch ma tâm dâng, mât rjăp nau ƀư tơm, mât kơl an ƀon lan, kơl an hun hao./.