Măng 27/7, ta Đà Lạt, UBND n’gor Lâm Đồng ƀư rơh rƀŭn gay mbơh nau ntrŭt dăng nau pă tơm prăk ntuh kơl nsum năm 2026 ndrel ntrŭnh ăp nau kan khlay tâm rơh tât. Tât rnôk aơ, rnoh tơm prăk geh ntuh kơl bah n’gor geh 305 nau nchrăp, dêh lơn rnoh geh bah lam dak lah 39%, dăp tal 31 tâm rnoh 34 n’gor, nkuăl ƀon têh. Nkô̆ nau n’huch rnoh prăk ntuh kơl nsum bah n’gor Lâm Đồng geh dêh geh năl lah yor nkol tâm nau kan trok tâm, ntrơn ntŭk pă neh nau kan nchrăp ntuh kơl hôm mbrơi ndrel pă tơm prăk kan ê geh tâm di ma nau dơi ƀư bah du đê̆ nau kan.

N’gor ndŏ luh nkô̆ nau tât lôch khay 9 geh rnoh 65% nau nchrăp pă tơm prăk. Ntoh nau tâm nar rđau rơh rƀŭn, Kruanh UBND n’gor Lâm Đồng Hồ Văn Mười đă ăp ntŭk kan, n’gâng kan, nkuăl ân geh kơp uănh ăp nau kan, rgum doh rklaih nau jêr, ntrŭt dăng ngăch nau nkra ndrel pă tơm prăk; nkre lah ntô̆ n’hao nau kan ndrel rklaih ngăch nau kan bah nŭih dâk bôk./.