Pla n’hơ nkoch mbơh bơi 200 siƀŭt ơm, rup gui mpeh nuih n’hâm mô dơi roh bah ăp tahen cách mạng tă geh nhŭp kân ta ăp ndrung krŭng Hỏa Lò, Sơn La, Côn Đảo, Phú Quốc, Jay nkông krŭng Buôn Ma Thuột n’hanh gŭk ndrung Dak Mil.

Ma pe bôk nkô̆ “Xiềng xích”, “Tung cánh giữa màn đêm” n’hanh “Hành trình tiếp nối”, nkô̆ ntŭk pla n’hơ mpơl tay ăp rơh klaih luh bah gŭk ndrung han dăng ndrel nău mĭn rôih sŏng rlăch ndăng mô plơ̆ rŭch bah ăp tahen. Aơ lah nău kan mpư rnê, nkah gĭt ăp rơh kơn hăn lor bôk năp, ntĭm nti nău way ơm rŏng dak an rơh kơn mom ndăm, nkre geh nău hôr khlay mha êng rnôk Jay nkông krŭng Buôn Ma Thuột dơi buăt nthoi na nê̆ tâm njăr trong hăn rlăch ndăng nsum bah lam dak.