Lah rđău đă, Tổng Bí thư, Kruanh dak Tô Lâm lah rjăp, Tâm nchră Trung ương 3 hŏ tâm ban ŭch âk nkô̆, n’glêh an âk trong nchrăp têh mpeh rdâk njêng Đảng, lam trong kan chính trị, hun hao n’hanh mât njrăng neh dak.

Aơ lah njuat hăn ngăn ngăn khlay Nghị quyết Đại hội XIV bah Đảng, nkre đah nău dơn kan năm 2026 đah nău ŭch lĕ ma năm kan, tât năm 2030, năm 2045. Tổng bí thư, Kruanh dak đă ăp gưl ủy Đảng ndăn ngăch ƀư jêng ngăn ngăn Nghị quyết jêng bôk nău kan ngăn ngăn, geh rgum tơm, di ntŭk, an lor kloh n’hanh tâm di nău mha êng tĭng n’gâng kan, tĭng n’gor. Mpeh n’gâng kan 2 gưl, Trung ương mô ndơ̆ nău dăp rgum nhih pah kan gưl xã gay mât kan đăp mpăn; nău rgâl tay dơn dăn đă ƀư rnôk geh nău khlay ngăn dơm, ân khoa học, uănh di na nê̆, rƀŏng tât rhŏ dŏng ƀon lan uĕh lơn n’hanh ntlơi ngăn nău mĭn “dơh cán bộ, jêr ƀon lan”. Tổng Bí thư lah rjăp, tâm 6 khay kêng dŭt năm 2026, lam trong kan ân đăp mpăn lăp dŏng mbluh soih, rgum nkra bah ăp kô̆ yơn kol khan jăch ndăn, nsrôih ƀư wah jêh ăp rnoh tât hun hao wăng sa- rêh jêng kon nuĭh hŏ ndơ̆ luh.

Ôi lơ 29/7,  BCH Trung ương Đảng ntrŭnh nău ntrŭnh mbrô 207-QĐ/TW mpeh ăp nău ma đảng viên mô dơi geh ƀư ndơn đah nău ntrŭnh mbrô 37-QĐ/TW. Nău mbơh tơih ta rơh rƀŭn nchră lam dak mât uănh Nghị quyết trung ương 3 khoá 14, Kruanh Uỷ ban Kiểm tra trung ương Trần Sỹ Thanh lah na nê̆ âk nău mhe dŭt khlăy geh tâm di đah nău ŭch tâm nău ngăn. Nău nkah khlăy ngăn lah nău ntrŭnh ntop nău kan răng dăng bâh đảng viên. Nde ma nău kan pă dăp leo ƀư naư kan ngih dak gay ma pă nuĭh mô dơi kan, nuĭh geh knơm geh nău dơi pă rnoh kan. Aơ lah nkô̆ nău ngăch ndăn gay ma njrăng mbra geh ndơm nuĭh kan  mô geh nău dơi kan ta ăp ntŭk kan tơm khlăy tâm trong kan ƀư mât ueh nău leo kan n’hanh pă dăp nău kan hành chính. Ta meng nĕ, an geh ntop tay ăp nău kan mô dơi kơt lah: dŏng mạng xã hội, AI gay ma mbơh nău mhe tih đah nău ngăn,  tâm nje kan, der kan, nde ma nău rgâl mhe gay ma geh ueh sŏk an nơm n’hanh mô kan di mpeh tu tơm drăp ndơ.