Tâm nĕ, 31 nău nchrăp kan lĕ geh ƀư lôch n’hanh lăp dŏng, 24 nău kan lĕ geh mplơ̆ sŏk tay, an bah nău kan mô lah ndơ̆ luh rnoh uănh năl, 61 nău kan geh ntơm ƀư tay mô lah dôl geh ƀư lôch ăp nău săm ƀŭt pháp lý gay ma mbơh ƀư tay. Ăp nău kan lĕ geh  doh rklaih kŏ văk geh rnoh neh rlău 8.700ha, đah lĕ rnoh prăk ntuh kơl klâp ma bơi tât 25.800 rmen prăk. Đah 249 nău kan hôm nha geh kŏ văk, n’gor Lâm Đồng pă jêng âk rmôt kan êng êng gay ma rgum  doh rklaih, geh ăp nău nchrăp kan bâh nău dơi kan bâh trung ương, nău dơi ta ntŭk, nău kan tâm vĭ vĕ nău nchrăp kan mpeh trôm neh, nău kan geh tâm rdâng bâh ăp nghị quyết, nghị định mhe, ăp nău kan hôm nha geh kŏ văk mpeh neh ntu ntuh kơl, rdâk njêng...đah ăp nău kan bâh rmôt dơi geh kan ta ntŭk, ăp n’gâng kan ntŭk kan an geh ngăch ndăn uănh nđôi, uănh năl na nê̆ ta ăp nău kan gay ma dơi geh ntrong kan doh rklaih an tâm di ngăn.