Ăp đại biểu an lĕ nar gay tâm nchră ta rmôt n’hanh ăp nău nchrăp ƀư luật, nghị quyết khlay n’hanh jăch ndal. Kêng ôi, ăp đại biểu tâm nchră ta rmôt mpeh 3 nău nchrăp ƀư luật lah: Luật njrăng n’gang mbơh rblang ndrăk nsiu têh; Luật nkra rgâl, ntop tay du đêt nău bah 9 Luật mpeh tahen, mât njrăng bri dak; Luật Mbơh rblang ntĭm nti pháp luật (nkra rgâl).

Kêng măng, ăp đại biểu tâm nchră ta rmôt mpeh nău nchrăp luật pring xăng (nkra rgâl) n’hanh Nău nchrăp Luật nkra rgâl, ntop tay du đêt nău bah Luật nău kan trok tâm bah Ngih dak. Tâm kêng măng nđaơ đŏng, ăp đại biểu rgum tâm nchrăp, rgop nău mpeh Nău nchrăp ƀư Nghị quyết bah Quốc hội mpeh trong ƀư, nău kơl an êng gay mkra nău tih luật geh tât wăng sa ngih dak, wăng sa ƀư êng n’hanh kơt dŏng khoa học, công nghệ, mĭn njêng mhe, rgâl mrô.