Tĭng trong ƀư, năm 2026, Gia Lai mbra ndâk ƀư samƀŭt rhăch nău ndâk ƀư phường đah ăp xă Phù Mỹ, Tây Sơn, Tuy Phước, Chư Sê n’hanh An Nhơn Tây. Năm 2028, mbơh ƀư đah ăp xă An Lương, Cát Tiến, Đăk Đoa, Đức Cơ, Gia Lai, Phù Cát, Tuy Phước Đông n’hanh Bình Khê. Tât năm 2030, n’gor Gia Lai mbra ndâk ƀư samƀŭt rhăch nău ndâk ƀư phường đah ăp xă Đề Gi, Chư Prông n’hanh Bình Dương.

Nău ndâk ƀư samƀŭt rhăch nău bôk nău rgop an tâm nchră dơi ƀư tĭng Luật Tổ chức n’gâng kan ƀon lan năm 2025, ăp nghị quyết bah Ủy ban Thường vụ Quốc hội mpeh uănh năl đô thị, tâm di ntŭk kan hành chính n’hanh samƀŭt ntĭm bah Chính phủ, N’gâng kan Nội vụ. Nău rƀŏng bah trong nchrăp lah ndâk ƀư samƀŭt rhăch nău Bôk nău rgop an tâm nchră đăp mpăn di trong, samƀŭt samtra, nău dơi kan tĭng nău ntrŭnh; tâm di đah Dăp rgum n’gor Gia Lai, Bôk nău kan hun hao nkual têh n’hanh nchrŏng trong hun hao wăng sa-rêh jêng bah n’gor.