Kruanh Quốc hội mĭn lah Việt Nam uănh Hoa Kỳ lah ngoăy tâm âk dak khlay bôk năp; uănh lah prêh ăp njoat hun hao têh bah tâm boh kan ndrel lĕ rngôch Việt Nam-Hoa Kỳ ta ăp ntil nău năm bah năp. Kruanh Quốc hội đă Đại sứ Jennifer Wicks mât ƀư tơm ntung nthoi, tâm rgop ndrel đah Việt Nam ntrôl lơn tay ăp nău ƀư tâm mâp, tâm rgâl mpôl kan ta ăp gưl, ngăn lah bah kruanh gưl prêh; ntrôl trong ƀư tâm nchră ƀa ƀơ, ngăn ngên đah ngih pah kan ndâk njêng pháp luật 2 dak.

Tâm ban ŭch đah Kruanh Quốc hội Trần Thanh Mẫn, Đại sứ Jennifer Wicks an lah săk rnglăy tâm boh 2 dak aƀaơ geh nău rgop khlay bah tâm boh têh dăng đah 2 Quốc hội; uănh lah prêh ăp nău ntoh lư kan ndrel đah 2 Quốc hội 2 dak tâm năm bah năp. Đại sứ mĭn lah nchrăp tâm rgop rjăp đah ăp n’gâng kan, nău kan, ngih pah kan, ƀon lan Việt Nam gay ntrôl n’hao tâm rgâl mpôl kan ta ăp gưl n’hanh ăp trong; ngăn lah nău 2 ding ơm jêh tâm nchră, ký ton Hiệp định tăch rgâl tâm manh, tâm ban n’hanh tŏng ăp; lah rjăp kơl ntrôl kan ndrel tâm ăp ntil mhe ntoh, tâm nĕ mpeh Hoa Kỳ dŭt uănh mpeh kan ndrel ŭnh nar, khoa học-công nghệ, rgâl mrô; tâm ban ŭch n’hanh mĭn lah tay tâm ton ntrôl kan ndrel mkra khuch khat tâm lơh tâm su./.