Ta nar mâp, nuĭh ƀon lan dăn đă n’gor ntuh kơl rĭng tay ntung trong nkual gôl dak Hải Minh; trong rse điện mŭr ta ăp trong nkual ƀon têh gay n’hŭch khuch khat yor mih phŭt; ntrôl ngăch nkra nkual ƀon têh, mât ntŭk ntô dak lêng; n’hanh đăp mpăn rah wah nău dăp ngih samƀŭt jêh nglăp nsum. Âk nău rgop dăn đă n’gor geh trong mkra hun hao pâl nđaih hăn ndrel đăp mpăn n’hanh n’hao ueh nâp nău rêh bah nuĭh ƀon lan.

Tâm nchră đah nuĭh ƀon lan, Kruanh UBND n’gor Gia Lai Phạm Anh Tuấn mĭn lah, n’gor mbra kơl lor jêh ntung trong ta ăp nkual jŭr djơh, hăn ndrel đah nău rƀŏng tŏng ăp đăp mpăn an nuĭh ƀon lan n’hanh hun hao nâp nâl. Nkre n’hao nkra ueh ƀon têh, ƀư đăp mpăn tay pĭt trong, mât uănh ntŭk ntô dak lêng n’hanh ndâk njêng Quy Nhơn jêng nkual têh pâl nđaih ueh lăng, đăp mpăn, dăch ueh, tâm nĕ nău hăn ndrel bah nuĭh ƀon lan lah nkô̆ nău ntrŭnh khlay.