Tâm nĕ, dŭt nkah ngăn lah Nghị quyết mpeh nău nchrăp hun hao wăng sa- rêh jêng, mât đăp mpăn rnă njrăng ngih dak, rnă njrăng đăp mpăn n’gor Đăk Lăk lvang năm 2026-2030. Nghị quyết uănh năl rdâk njêng Đăk Lăk jêng n’gor hun hao ntoh n’gôr bâh lam dak, lah ntŭk kan wăng sa ueh nđir, logitics, dak si, ntĭm nti, pâl nđaih, văn hoá- thể thao n’hanh khoa học- công nghệ bâh nkual duyên hải Nam trung bộ n’hanh Tây Nguyên. Nghị quyết lĕ geh uănh năl 5 nău mpŏng kan mhe, geh ƀư lôch ntrong kan n’hanh rdâk njêng trong kan hành chính ueh mhe, rgum an geh săk rnglăy ăp rnoh hun hao ndơ dŏng nău kan tơm khlăy, sŏk khoa học- công nghệ, rgâl mhe mĭn kan n’hanh rgâl mhe rnoh mbrô ƀư nău nsrôih gay ma hun hao, hun hao nkual wăng sa Nam Phú Yên, nkuăl ƀon têh Buôn Ma Thuột n’hanh ăp ntŭk kan wăng sa jêng ăp ntŭk hun hao, ntrôl dăng nău wăng sa kan êng, wăng sa ueh nđir, wăng sa mbrô, wăng sa dak lêng n’hanh công nghiệp nkra ƀư na nê̆.