Ôi 6/8, ta Hà Nội, Thủ tướng Chính phủ Lê Minh Hưng, Kruanh ban ntĭm rđău Rnă njrăng mạng ngih dak, lĕ ƀư nkah gĭt Nar rnă njrăng mạng Việt Nam (6/8/2024-6/8/2026) tâm trôm nău kan yor Ban Ntĭm rđău Rnă njrăng mạng ngih dak tâm rgop đah N’gâng kan Công an ƀư đah bôk nău “Yor du ntŭk ntô mạng Nău ueh an ăp nuĭh”.

Ntoh ngơi ntơm nar ƀư, Thủ tướng Lê Minh Hưng nkoch kloh neh dak dôl tâm rach năm hun hao têh dăng bah khoa học, công nghệ, mĭn ƀư mhe n’hanh rgâl mrô, mĭn lah aơ nuih n’hâm khlay gay n’hao săk rnglăy pah kan, soan tâm rlong bah jâng wăng sa ngih dak, rgop ƀư tĭng nău rƀŏng hao jêng wăng sa 2 rnoh mrô. Nghị quyết 57 bah Bộ Chính trị mpeh rgâl mhe hun hao khoa học, công nghệ, mĭn ƀư mhe n’hanh rgâl mrô lam dak lĕ mĭn lah kloh; Đăp mpăn ƀư tơm neh dak ta ntŭk ntô mạng; đăp mpăn rnă njrăng mạng, rnă njrăng samƀŭt mât prăp, đăp mbơh nău mbơh bah rmôt kan n’hanh êng nuĭh đă ƀa ƀơ, mô dơi nkhah êng tâm rnôk hun hao khoa học, công nghệ, mĭn ƀư mhe n’hanh rgâl mrô lam dak