Nău kan geh ƀư lôch rnôk Nghị quyết mbrô 36 bâh Chính phủ geh nău tam bâh lơ 1/8, đah âk nău ntrŭnh geh rgâl tĭng trong ƀư an dơh ăp ntil nău kan, rhoăt gleh mông nar ƀư kan n’hanh pă nău kan pă rnoh mbrô nkual tăm an Kruanh UBND gưl xã. Ta bôk nău kan, ăp đại biểu rgum ntĭm đă doanh nghiệp, hợp tác xã n’hanh nuĭh pah kan mpeh nău ntrŭnh mbơh dăn, mât uănh rnoh mbrô nkual tăm, rnoh mbrô ntŭk kan tâl dŭng, mbơh nău ƀư pă săm ƀŭt gĭt na nê̆ tu tơm n’hanh leo ƀư pah kan an tâm di đah nău ŭch ta ntŭk tăch rvăt đah dak bah dih. Hôm ta ntŭk kan, mpôl kan ntrŭt ntim nău tuch tăm xã n’hanh rmôt kan ntrŭt nsôr nău kan ntŭk rêh jêng ntĭm đă mbơh dăn, mât rnoh mbrô, ntĭm leo nuĭh ƀon lan pah kan ta Cổng dịch vụ công ngih dak, ƀư lôch săm ƀŭt kan mbơh gĭt na nê̆ tu tơm n’hanh dŏng ăp nău way pah kan an đăp mpăn.