Gay rgop ndơ̆ hun hao lĕ rngôch ndơ geh ƀư bah n’gor Dak Lak năm 2026 ntơm bah 10% let lơ, n’gâng kan Tuch tăm n’hanh Môi trường n’gluh rnoh tât ngăch hun hao lĕ ma năm ntơm bah 5, 86% let lơ. Tâm 5 khay kêng dŭt năm, lam n’gâng kan nsrôih njêng luh rlău 66.100 rmen prăk rnoh khlay ƀư njêng. 

Tâm nê rgum ta bar ntil ndơ tuch tăm tăch n’gluh tơm lah cà phê n’hanh sầu riêng. Wa Đỗ Hữu Huy, Kruanh UBND n’gor Dak Lak đă n’gâng kan Tuch tăm n’hanh Môi trường ntơm bah aơ tât kêng dŭt năm ân n’glăp dŏng trong tor tĭng khay, tĭng quý; way rƀah gĭt rnoh nchih, lor nchrăp nkah njrăng lor ơm n’hanh rgâl di ngăch dĭl rnôk ntoh luh rmoh rman. Nuĭh mât bôk ăp nhih pah kan ân lor nchrăp tâm nău kan, tĭng ƀư di nuih n’hâm “6 kloh, 1 rloh rlău”, nkrêp nău dơn kan đah rnoh ngăch n’hanh nău nsĭt geh n’glĕ dŭt.